У суботу 25 мая на вучэбнай базе БДПУ “Зялёнае” ў Мінскім раёне ўпершыню прайшоў фестываль “зялёных” ініцыятыў Green Fest! Ён сабраў разам прадстаўнікоў экалагічных аб’яднанняў і клубаў навучальных устаноў, экалагічных арганізацый, камерцыйных і некамерцыйных праектаў экалагічнага кірунку– усіх, каму блізкая тэма прыроды і хто ў гэты дзень прайшоў дрэс-код: каб патрапіць на фестываль, неабходна было, каб хаця б адзін элемент адзення быў зялёным. Арганізатарам фэсту выступіў Рэсурсны цэнтр Green Office БДПУ імя Максіма Танка.